Vopnafjarðarskóli

Í samráði við aðgerðastjórn Austurlands hefur verið ákveðið að fella niður skólahald í Vopnafjarðarskóla á morgun, 11. nóvember. Tekin verður ákvörðun um framhaldið þegar niðurstöður úr sýnatöku liggja fyrir. Þetta er þá þriðji dagurinn sem skólahald fellur niður en vonandi getur skólahald verið með eðlilegum hætti á föstudag.

7. og 8. bekkur Vopnafjarðarskóla tekur þátt í First Lego League 2021. keppnin verður haldin í Háskólabíó laugardaginn 13. nóvember. Þema ársins er Cargo Connect eða vöruflutningar. Sólrún Dögg Baldursdóttir er verkefnisstjóri og gengur undirbúningurinn vel.

Á föstudaginn var bleiki dagurinn haldinn um land allt.

Miðvikudaginn 20. október verður Forvarnarfræðslan/Maggi Stef með fræðslu fyrir nemendur og foreldra/forráðmenn. Nemendur í 7.-10. bekk fá fræðslu um skaðsemi fikniefna og fer fræðslan fram í fjarfundabúnaði. Miðvikudagskvöldið 20. október kl. 20.00 verður síðan fræðslufundur/foreldrafundur þar sem komið er inná uppeldistengd málefni, einkenni og útlit fíkniefna, gildi, hefðir og venjur, og fleira. Það þarf jú heilt þorp til að ala upp barn. Látum okkur þessi mál varða.

Það er búið að vera gestkvæmt hjá okkur síðustu daga og vikur. Mánudaginn 11. október kom Skáld í skólum í heimsókn í 2.-6. bekk. Rithöfundarnir sem heimsóttu okkur að þessu sinni voru Blær Guðmundsdóttir og Hilmar Óskarsson. List fyrir alla kom í heimsókn til okkar fimmtudaginn 7. október og að þessu sinni kom Kristín Ragna Gunnarsdóttur. Hún er rithöfundur, teiknara og hugmyndasmiður.

Danskennsla hófst í dag, 24. september. Á haustönn verður danskennsla alla föstudaga og mun Urður Steinunn sjá um kennsluna hjá öllum aldurshópum.