Lengd viðvera/gæsla er í boði fyrir nemendur í fyrsta til fjórða bekk og alla nemendur úr sveitinni eftir skóla til kl. 14:00 á mánudögum en til kl. 15:00 aðra daga.
Skólaliðar og stuðningsfulltrúar hafa umsjón með nemendum í gæslunni inni í skólanum og á skólalóðinni.
Þá geta nemendur farið í tónlistarskólann á þessum tíma og Ungmennafélagið Einherji er með íþróttaæfingar fyrir yngstu nemendurna á þessum tíma í samstarfi við skólann.
Gæslunemendur teljast þeir nemendur 1.-4. bekkjar sem þurfa að bíða eftir skólaakstri eða eru skráðir í gæslu.
Við viljum að samskipti nemenda og skólaliða/stuðningsfulltrúa séu sem best þar sem grunngildi eins og virðing, kurteisi og tillitssemi eru höfð að leiðarljósi, .
Innan þessara gilda fellur hlýðni gæslunemenda og þar sem stuðst er við grundvallarviðmið.
Gæslan er bæði innan húss og utan og nemendur fara ekki út af skólalóðinni á gæslutíma nema í samráði foreldra/forráðamanna og skólaliða.