Fréttir

Í næstu viku fer fram mat á haustönn. Matið verður með ýmsum hætti og mismundandi eftir greinum og aldri sem verður kynnt sérstaklega.

Á opnum dögum, fimmtudag og föstudag fór fram mjög skemmtileg vinna með samskipti fólks og var stuðst við samskiptaboðorð Öddu Helgadóttur. Á föstudeginum var einnig fjallað um Barnasáttmálann en dagur sáttmálans var þann dag. Í lok opnu daganna var síðan haldið út í íþróttahús þar sem farið var í mjög skemmtilega hópeflisleiki.

Á degi íslenskrar tungu var söngstund þar sem sungin voru nokkur lög við texta eftir Jónas Hallgrímsson. Þá var minnst Guðfinnu Þorsteinsdóttur, Erlu, skáldkonunnar okkar frá Teigi með stuttri kynningu. Þá kórlásu nemendur í nokkrum hópum ljóð eftir þessa kjarnakonu sem alltof lítið hefur verið getið um hér á Vopnafirði.

Í morgun fóru nemendur frá okkur keyrandi til Akureyrar og fljúga þaðan til Reykjavíkur. Tilefnið er Legókeppnin á Íslandi sem 7. bekkur vann svo glæsilega í fyrra. Að þessu sinni eru keppendur 8 nemendur sem hafa valið Legó sem valgrein í haust, úr 8. og 9. bekk og hafa Unnur Ósk og Sólrún umsjón með liðinu. Keppnin er á morgun og verður hægt að fylgjast með henni á netinu eins og í fyrra. VIð óskum þeim að sjálfsögðu góðs gengis. Áfram Vopnafjarðarskóli.

Vetrarfrí er í skólanum fimmtudaginn 3. nóvember og föstudaginn 4. nóvember. Þá er starfsdagur hjá starfsfólki mánudaginn 7. nóvember. Þessa daga er því frí hjá nemendum.